The heptameron

Le premier jour de septembre, que les baings des montz Pirenees commencent entrer en leur vertu, se trouverent a ceulx de Cauderes plusieurs personnes tant de France que d'Espaigne; les ungs pour y boire de l'eaue, les autres pour se y baigner et les autres pour prendre de la fange; qui sont choses si merveilleuses que les malades habandonnez des medecins s'en retournent tout guariz. Ma fin n'est de vous declarer la scituation ne la vertu desdits baings, mais seullement de racompter ce qui sert a la matiere que je veulx escripre.