La okulvitroj de Lidia

Lidia estis la plej juna filino de d-ro Ludoviko Zamenhof, la iniciatinto de la lingvo Esperanto. Ŝi eble estis pli arda esperantisto ol ŝia patro kaj almenaŭ tiel fervore pacama kiel li.

Ŝi neniam havis la ŝancon paroli kun la fanatika militemulo kaj antisemito Adolf Hitler, kiu morale kaj idee staris je la antipodo de Lidia, eĉ se ambaŭ loĝis kaj agis en la samaj epoko kaj mondparto.

La romanigita membiografio de Lidia Zamenhof verkita de la eŭska esperantisto Aitor Arana estas bazita sur realaj eventoj kaj kreita de materialoj kaj pensoj de Lidia mem.