A froita do coñecemento

A vulva contra o patriarcado: así enfoca Liv Strömquist a historia dos xenitais nas mulleres nesta obra gráfica instrutiva e tremendamente divertida. Nun colorido mosaico que vai desde a Grecia antiga até a actualidade e que inclúe a Bela Dormente e deusas hindús, o inventor dos Kellogg's e Freud, as cazas de bruxas e os actuais libros de texto de bioloxía, a autora desvela séculos de represión sexual e rompe con numerosos prexuízos. Mediante unha análise precisa e aguda, usando paralelismos infrecuentes mais efectivos e cun humor mordaz, Strömquist traza un reflexo da percepción que a sociedade tivo da vulva, o clítoris e a menstruación ao longo da historia, así como o efecto devastador que estas teorías tiveron para a sexualidade das mulleres.