Gogoan zuen, bai, lehen urteetan pazientzia ariketa bihurtu zirela maiz batzarrak. Ez zeuden ohituta, eta edozein txorakeriatan kateatzen ziren batzuen eta besteen egoak, garai bateko oilar borrokak berpiztuta, nonbait. Eskola bat izan ziren hasierako asanbladak, denbora errealean egina, eta ikasi egin zuten, neke handiak hartuta ikasi ere. Ikasi zuten gehiago entzuten hitz egiten baino. Gehiago ez ezik, hobeto entzuten ere ikasi zuten. Ikasi zuten luzeago hausnartzen hitz egiten aurretik. Eta luzeago ez ezik, hobeto hausnartzen ere ikasi zuten.

— Esan gabe doa by Asel Luzarraga Zarrabeitia (Page 42)