Maitasun kapitala

by

Paperback, 240 pages

Euskara language

Published by Elkar.

ISBN:
978-84-1360-360-5
Copied ISBN!
4 stars (5 reviews)

Bere maitalea izandako Martinen hiletan dago Olga. Bertan gogoratzen du berarekin bizi izandako pasio sutsua, gizonak duela urtebete utzi zuen arte. Oroitzapenetan murgilduta, Martinekiko bere mendekotasun emozionalaz ohartzen da, eta horrek agerian uzten dio, bere burua emakume aske eta ahaldundutzat bazuen ere, maitasunarekin beti izan duen kontraesana.

Aldi berean, tesi bat zuzentzen dabil Olga irakaslea, emakumeei maitasuna euren bizitzako erdigunea izaten erakutsi zaien moduan sakontzen duena, horretarako Artearen eta Literaturaren historiako zenbait lanetan oinarrituz.

Pertsonaiek bizitako esperientziak eta bateko nahiz besteko artistek piztutako gogoetak tartekatuz, nobela anbiziotsu bat osatu du Karmele Jaiok, arin irakurtzen dena baina arrasto sakona uzten duena, nor bere buruari begira hausnarketara bultzatuz.

1 edition

reviewed Maitasun kapitala by Karmele Jaio Eiguren

Maitasunaren inguruan hausnartzeko sortu da eta helburua lortzen du

4 stars

Maitasunari buruzko gogoeta interesgarria, ondo idatzita dagoena, eta irakurle orok gogoetarako helduleku bat aurkitzeko modukoa. Pertsonaiak asko eboluzionatzen dute elkarrekin liburuan zehar, baita bigarren mailakoak ere; hala ere, azken kapituluetara arte ez dut lortu haiekin konektatzea (oro har, guztiekin). Liburuan zehar egon dira momentuak non, maila batean edo bestean, guztiak gorrotatu ditudan.

Gauza bakarra bota dut faltan: beste praktika batzuk asmatzea, beste eszenatoki batzuk, beste aukera batzuk...

Artearekin duen lotura asko gustatu zait eta gustura nabigatu dut Wikipedian zehar.

reviewed Maitasun kapitala by Karmele Jaio Eiguren

Maitasuna, maitemina eta min asko

4 stars

#MaitasunKapitala​ren hasierako orriak astunak egin zitzaizkidan, Martin eta Olga oso pertsonaia gogaikarriak iruditu zitzaizkidalako. Liburua uztekotan ere egon nintzen. Hala ere, aurrera jarraitu nuen, eta orriak pasa ahala gero eta interesgarriagoa iruditu zait liburua: maitasunaren, maiteminaren eta eragiten duten minaren inguruko gogoetak, intriga puntua duten argumentuaren jira-birak...

reviewed Maitasun kapitala by Karmele Jaio Eiguren

Itzel

No rating

Maitasun kapitala irakurri berri dut: bapo (eta brabo!). Hasierako momentu batean, hausnarketan, astun samarra egingo ote zitzaidan zalantza egin nuen, baina berehala harrapatu eta amaierararino eraman ninduen. Uste dut aurrerago berriro ere irakurriko dudala. Ea egin ditudan azpimarrek zer erakusten didaten neure buruaz. Bitartean, aipatzen diren margolanak begiratuko ditut Interneten. Zenbat azpimarra!

avatar for miren

rated it

4 stars

Lists