Review of 'Vincles ferotges i La dona singular i la ciutat' on 'Goodreads'
5 stars
Na edición en catalán veñen dous libros: Apegos feroces e A muller singular e a cidade.
Apegos feroces: lino cunhas espectativas demasiado altas e, aínda que me gustou, decepcionoume un pouco. Hei volver lelo porque seguro que me cambia a percepción.
A muller singular e a cidade: Non son capaz de dicir o moitísimo que me gustou este libro. Non quería parar de ler e, a un tempo, non quería acabalo nunca.
Aquí Vivian Gornick escribe sobre as conexións e repite unha e outra vez a palabra. Dunha banda están as conexións que establece coas súas amizades, conducindo un pouco o libro a través dalgunhas interaccións co seu amigo Leonard. Fala de tipos de amizade diferentes que nacen de conectar cada un na súa maneira. Por exemplo fala dunha que nace dun sentimento de paixón parecido ao amor romántico e que morre ao rematar este.
Doutra banda fala das conexións …
Na edición en catalán veñen dous libros: Apegos feroces e A muller singular e a cidade.
Apegos feroces: lino cunhas espectativas demasiado altas e, aínda que me gustou, decepcionoume un pouco. Hei volver lelo porque seguro que me cambia a percepción.
A muller singular e a cidade: Non son capaz de dicir o moitísimo que me gustou este libro. Non quería parar de ler e, a un tempo, non quería acabalo nunca.
Aquí Vivian Gornick escribe sobre as conexións e repite unha e outra vez a palabra. Dunha banda están as conexións que establece coas súas amizades, conducindo un pouco o libro a través dalgunhas interaccións co seu amigo Leonard. Fala de tipos de amizade diferentes que nacen de conectar cada un na súa maneira. Por exemplo fala dunha que nace dun sentimento de paixón parecido ao amor romántico e que morre ao rematar este.
Doutra banda fala das conexións que establece con persoas que non coñece na rúa: escoitar conversas alleas, rir con alguén dunha anécdota graciosa e alguén escoita e rise tamén, situacións surrealistas no bus... Momentos pequenos de conexión co resto de persoas que habitan a cidade.
Todas estas historias pequenas contadas coa naturalidade propia que piden e todo escrito dunha forma preciosa.
Agora tócame non calar co libro ata que consiga que mo lea alguén máis.