Dette er første bok eg har lese for dottera mi. Ho er fem månadar og får sjølvsagt ikkje noko ut av det, men det er noko å gjere mens eg sit med ho, og det er gøy å kunne seie det i etterkant. Sjølve boka er eit spanande innblikk i Bergen på 1600-talet. Ho opnar med eit segn om Bergens opphav som eg ikkje visste om, så fortset ho å fortelje om ymse hendingar i Bergen. Og det er verkeleg ymse. Moderniseringa gjer ho lett å lese i 2024, og det at ei stor del av boka er korte notisar gjer at det er lett å plukke ho opp å lese litt og litt.