User Profile

Gogorra egin zait irakurketa, baina oso azkar amaitu dut irakurtzen. Aitor ezagutu nuen eta Hedoi ezagutzen dut, baina Pandemiak agurtzeko aukera ere kendu zigun, eta egin beharreko bidea egin dut Aitorren heriotzaz gehiago jakiteko eta Hedoi lagunaren dolu prozesua ulertzeko.

Bidean, bi ildoetan ikasteko aukera izan dut. Alde batetik beste Iruñerri bat ezagutu dut 1970eko hamarkadako Liga Komunista eta inguruko bestelako erakundeen militanteen ahots indibidual eta kolektibotik gordin eta zehatz kontatua. Ezagutzen ez nuen Iruñerri bat militantzia komunista erradikalaren betaurrekoetatik, eta bizitza eta tokien gaur egungo errepasotik.

Bestetik oinordekotza, politikoa eta intimoa aldi berean, jasotzearen pisua eta ardura, Hedoik jaso duela sentitzen duena, Aitor eta Pilarrengandik, baina baita ezagutu ez dituen beste askorengandik. Nire burua errekonozitu dut lehen aldiz berdin, beste hari batzuetan oinordekotzaren pisuarekin.

Doluari buruzko liburua ere bada, azkarregi joan denaren memoria eginez egindakoa, oinordekotzaren bitartez bidea egiten jarraituko duen dolu bati buruzkoa.

Errizomak, mizelioak, sustraiak... harremanak. Liburu berezi bat irakurria izateko prest.

Askotan burura datorkidan gertakari baten inguruko ikerketa ez-poliziala.

Gaur egungo testuinguru politikoan hobeto kokatzeko irakurketen artean kokatzen dut.

Modernitatearen tresnen ondorioz, komunalaren galeraren beste ondorioak, Pirinioko herri txiki batean. Historia ezagutzen banuen ere, pixka bat sakontzeko asmoz. Hiper-errealismo pixka bat abuztu sargorian.

Abuztuko irakurketa hiper-errealista bat abiatu dut.

Liburu berezia, irakurketa meteorikora zaramatzana, historia bikainez josia. Irakurtzen.

Iraultzen pentsamenduaz, gogoz irakurtzen.

Irakurtzen hasi naiz, @EblaLiburudenda|n eskuratua. #ZiFi

Portugaldik itzuli eta jaso nuen liburu hau irakurtzeko gomendio bizia, horretan ari naiz gustura.

#Bidean #Portugal #irakurketak

Itaka propioa du helburu komiki autobiografiko eder eta konplexu honek, denbora galdua berreskuratzea, erreferentziaz josia, eta ezagutza maila ezberdinetan irakurri eta ulertu daitekeena.

Literaturako lan eta egile konplexuenetakoak erreferentzia etengabean, Proust eta Joyce bereziki, familia harreman konplexuak, eta homosexualitatea bizi eta deskubritzeko bide ezberdin eta gatazkatsuaren inguruko aita-alaba harremana da Itakara bidea definitzen duena.

Spoilerra litzake, Itakara iristen den edo ez esatea, baina komikiaren egiturak, Pennsylvania eta New York arteko Mediterraneo itsasoa marrazten duela esan dezakegu. Umore beltz eta momentu pertsonal eta familiar zehatzez kontatua, adierazpen eta pentsamendu grafikoa oso aberatsa da.

Alabari oparitu nion komikia, eta nik irakurri dut aurretik (!). Etorkizuneko solasaldiak eraikitzeko balio duen tresna da.